O MUNDO DAS VIAXES
A Fernando encántalle o seu
traballo. Gústalle ter todo arranxado para que cando veñan as mestras do colexio
todo estea preparado. Fernando traballa nunha escola dun pequeno pobo que leva
por nome Ponteareas, exactamente no colexio La Inmaculada.
A Dulce, a súa dona, gústalle ter
todas as aulas ben limpas e recollidas aínda que ás veces teña que berrarlle a
PAM e a MINA porque desordenan os xoguetes das aulas.
PAM e MINA este ano irán a
Holanda a coñecer o pobo dos seus pais e a ver ós seus avós.
Están moi emocionadas xa que é a primeira viaxe en avión.
Faltan poucos días para a
viaxe...
PAM E MINA contáronlle a todo o mundo que van a ir de
viaxe.
En Holanda, a parte de ter os
seus avós, teñen tíos e curmáns. Algúns non os coñecen, por iso están desexando
ir.
Agora teñen que preparar as
maletas, pero non saben que roupa levar, entón preguntáronlle aos seus avós.
-
Avó, que tempo
vai en Holanda? Mina, vai moito frío, tes que traer roupa moi abrigada, gorro e
luvas e tamén podes traer os patíns para ir patinar xa que , ó carón da nosa
casa, hai unha pista de xeo moi grande. Ademais
dos patíns lembra traer o bañador porque iremos tamén a sauna.
PAM e MINA estaban moi
ilusionadas mais, por outro lado, estaban moi tristes porque tiñan que
separarse da súa cadela Tomasa. O problema será con quen deixala. Falaron cos
amigos da escola para que se fixeran cargo dela, máis ningún neno quixo quedar
con Tomasa.
Pensando e pensando lembráronse
da tía do seu pai, Pepita, que non tiña fillos e sentíase moi soiña. A tía aceptou
a encomenda sen dubidalo.
Xa estaban todos os cabos
atados...
Chegou o día da viaxe, e PAM e
MINA estaban esperando o avión no aeroporto todos ilusionados. Como eran
cativos, había unha azafata chamada Andrea que os acompañaría na súa aventura a
Holanda.
Andrea falaba a linguaxe de
signos, porque de pequena tivera unha enfermidade e quedou muda, pero que era
unha linguaxe moi utilizada no seu traballo.
A viaxe durou dúas horas, e PAM e
MINA mentres estaban no avión,
colorearon debuxos, miraron a televisión e leron un conto, que habían
feito entre todos eles no colexio.
Cando chegaron a Holanda os seus
pais e avós os estaban esperando, por diante tiñan quince días para vivir
fantásticas aventuras!
AGORA TÓCAVOS CONTINUAR O CONTO...
